Slektsforum

[Skjult navn]

Hei,
Håper nokon kan hjelpe meg litt med eit lite problem eg har i Naustdal her... Det gjeld skifte etter Ole Pedersson Husefest i Bremanger 28. Juli 1796 (heilt til høgre). Han var frå Horne og gift med ei Alette Olsdotter av ukjent opphav. I skiftet er arvingane lista:

Arvinger:
1. Sønnen Peder Olsen, 12 aar gl.
Wærge Truls Pedersen Horne
2. Sønnen Søren Olsen, 9 aar gl.
Wærge Truls Olsen Mallevig
3. Sønnen Ole Olsen, 7 aar gl.
Wærge Rasmus Olsen Kringlen
4. Datteren Anne Olsdatter i Bergens Hospital.

Fyrste verge er bror til Ole Pedersson på Horne. Mallasvika og Kringla er nabogardar lenger inne i fjorden, og eg lurer litt på samanhengen. Truls-namnet kan tyde på at det kan vere familie med folket på Horne, medan begge ut frå patronymikon kan vere brør til Alette.

Eg finn ein Truls Olsson på "Hellevig" i Naustdal i 1801. Denne garden er nemnt i listene mellom Sæla og Kringla på eine sida og Jonstad og Skei på andre sida. Garden mellom her heiter no Mallasvika (kart) og stemmer med namnet frå skiftet. Er dette same garden som "Hellevig"?

Dersom nokon har tilgang til bygdaboka for Naustdal, er det noko der som kan bekrefte noko slektskap mellom folka på Kringla/Mallasvika og Horne evt. Alette Olsdotter?


Kjelder
Kildeinformasjon: Sogn og Fjordane fylke, Sunnfjord sorenskriveri, Lenet tinglag, Skifteprotokoll A 10 , 1787-1798, oppb: Statsarkivet i Bergen.
Permanent sidelenke: http://arkivverket.no/URN:sk_read/24197/521/
Permanent bildelenke: http://www.arkivverket.no/URN:NBN:no-a1450-sk20081126680522.jpg

FT1801, "Kringlen" i Naustdal: http://digitalarkivet.uib.no/cgi-win/WebCens.exe?slag=visbase&sidenr=2 4&filnamn=f1801&gardpostnr=42334#nedre

FT1801, "Hellevig" i Naustdal: http://digitalarkivet.uib.no/cgi-win/WebCens.exe?slag=visbase&sidenr=2 3&filnamn=f1801&gardpostnr=42335#nedre

FT1801, "Huusefest" i Bremanger: http://digitalarkivet.uib.no/cgi-win/WebCens.exe?slag=visbase&sidenr=2 8&filnamn=f1801&gardpostnr=42675#nedre

[Skjult navn]

Jeg kan legge inn ei side fra Naustdal bygdebok - Horne. Kanskje der kan være noe?
Mvh. Johan Arthur Hansen

[Skjult navn]

Hei, og takk

Eg har studert Horne i Naustdalsboka ein gong før - meiner det var ein tråd her på forumet(*) som nøsta opp i sambandet mellom Ole Pedersson på husefest og Horne i si tid. Eg hadde ikkje studert dette skiftet så godt da, så eg tok ikkje notis av kva som evt. står under Kringla eller Mallasvika/Hellevik...

Tillegg: (*) Denne tidlegare tråden var på Brukarforumet til Digitalarkivet, og eg ser du var aktivt med der òg

[Skjult navn]

Har rota i arkivene på brukarforumet og fann denne gamle diskusjonen med følgjande frå Naustdalsboka bind I, side 712-713:
Ola Trulsson f. kr. 1715, truleg frå Naustdal, d. 1777 i Mallasvika.
Gift 1743 med Synneva Trulsdotter f. kr. 1707 i Mallasvika. d. 1782 i Mallasvika.
Born:
a. Synneva f. kr. 1744, d. 1750 i Mallasvika
b. Truls f. 1746, d. 1820, neste Brukar.
c. Alet f. 1750.
d. Rakel f. 1755

Ut frå dette ser det ut til at vergen Truls Olsson Mallasvika var bror av Alet Olsdotter. No står det berre att å plassere Rasmus Kringla

[Skjult navn]

Hei!

Ifylgje skiftet etter Ole Trulssen Mallasvik var Rasmus Olsen Kringlen gift med Rachel Olsdtr. og dermed svogeren til Alet Olsdtr.: http://arkivverket.no/URN:sk_read/24203/420/

[Skjult navn]

Takk skal du ha - der var siste biten i puslespelet på plass