Slektsforum Slektsforum
Slekt og Data
 
 HjelpHjelp    SøkSøk     Logg InnLogg Inn  Bli medlemBli DIS medlem  engelsk
Hvordan logge på? Les her om registrering og pålogging.
Start nytt emne    
Vis forrige emne :: Vis neste emne  
Av Innlegg
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 21 Sep 2012 18:03:18    Tittel: Kven var foreldra til Størker Olsen Hustad (ca. 1720-1777)? Svar med Sitat

Størker gifta seg med Eli Olsdotter ”Vogøe” i Hustad kyrkje 17.02.1765. Som nemnt i temaet ”Opphavet til Eli Olsd. Vogøe, død på Nerland (Løkhaug) 1803”, har eg leitt og leitt etter dokumentasjon for foreldra til både Størker og Eli, men til no har eg stått bom fast. Eg prøver difor med dette om eg kan få hjelp til å løyse denne floken.

Av skiftet 17.09.1759 på Julshavn etter Inger Olsdotter, gift med Jon Nielsen, går det fram at ho var søster av Størker. Arvingane til Inger var desse søskena:

1. Størker Olsen Hustad
2. Ole Olsen Reiten
3. Peder Olsen Storholmen
4. Eli Olsdotter, død og etterlet seg
a. Marit Johnsdoter
b. Berit Johnsdotter
5. Berit Olsdotter Wasenden, død og etterlet seg
a. Siri Knudsdotter
6. Siri Olsdotter Hostad

http://arkivverket.no/URN:sk_read/24617/710/

Eit spørsmål er då kva for ein Ole som var far til desse søskena.

På skiftet i 1759 er Størker nemnt først. Dersom han var den eldste sonen i denne søskenflokken, kan han vere oppkalla etter farfar. I så fall må far hans ha vore son av ein Størker og ha hatt namnet Ole Størkerson.

Kyrkjeboka nemner ein Ole Størkersen Reiten som var fadder m.a. for Villum Nøring Aagesen i 1746 og for Maren Pedersdotter Storholm i 1756. Denne Maren var dotter av Peder Olsen Storholm, og kan hende var Ole Størkersen Reitan fadder som farfar til barnet?

Dåp av Maren, folio 67a:

http://www.arkivverket.no/URN:kb_read?idx_kildeid=16071&idx_id=16071&u id=ny&idx_side=-66

Gardsnamnet Reitan dukkar opp for fleire i søskenflokken:

Broren Ole er ført opp med gardsnamnet Reiten i 1759.

Kyrkjeboka viser ei Inger Olsdotter Reiten som vart konfirmert i 1749.

http://www.arkivverket.no/URN:kb_read?idx_kildeid=16071&idx_id=16071&u id=ny&idx_side=-158

Eg går ut frå at dette var Inger Olsdotter som seinare vart gift på Julshavn og døydde i 1759 (”af Barselsyge”).

http://www.arkivverket.no/URN:kb_read?idx_kildeid=16071&idx_id=16071&u id=ny&idx_side=-94

Då søstera Berit Olsd. gifta seg med Knud Olsen Vasenden i 1756 er ho ført opp med namnet ”Berit Olsd. Reitan”.

http://www.arkivverket.no/URN:kb_read?idx_kildeid=16071&idx_id=16071&u id=ny&idx_side=-69

Ut frå dette finn eg det ikkje usannsynleg at Størker Olsen Hustad kunne vere son av Ole Størkersen Reitan. Men bevis for at det er slik, eller ikkje er slik, har eg til no ikkje funne. Eg vil vere svært takksam for alle opplysningar som kan bidra til å kaste lys over dette spørsmålet
Til Toppen
Vis Medlemmets Profil Send Privat Melding
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 23 Sep 2012 21:31:41    Tittel: Re: Kven var foreldra til Størker Olsen Hustad (ca. 1720-177 Svar med Sitat

Nokre tilleggsoplysningar om Ole Størkersen Reitan (Farstadreitan):

Han døydde 1757, jordfesta "Festo Purific. Mariæ" (02.02.1757), 69 år gammal.

http://www.arkivverket.no/URN:kb_read?idx_kildeid=16071&idx_id=16071&u id=ny&idx_side=-75

I matrikkelen 1723 er han nemnt under Farstad.

http://arkivverket.no/URN:db_read/db/39192/161/

På Hostad var det i 1701 ein Størker, 40 år gammal. Han er nemnt også i skoskatten 1711.

http://arkivverket.no/URN:db_read/ft/38458/99/

https://picasaweb.google.com/114651696693889317875/1711RomsdalFogderiS kokatt#5697829637040813762

Det kan her vere freistande å stille opp ein teori om at Størker på Hostad i 1701 og 1711 var far til Ole Størkersen Reitan, og farfar til Størker Olsen Hustad (ca 1720 - 1777). Men eg manglar tilstrekkeleg dokumentasjon for ein slik teori.
Til Toppen
Vis Medlemmets Profil Send Privat Melding
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 24 Sep 2012 19:58:31    Tittel: Re: Kven var foreldra til Størker Olsen Hustad (ca. 1720-177 Svar med Sitat

I innlegg i går nemnte eg Størker på Hostad i 1701 og 1711 som mogeleg far til Ole Størkersen Reitan. Dette kan kanskje vise seg å vere rein skivebom.

Nemnte Størker hadde også farsnamnet Olsen. Størker Olsen Hostad døydde ca 1714 (skifte 29. mars 1714). Kona hans heitte Kiersten Ellingsdotter.

http://picasaweb.google.com/erlendem/RomsdalFogderiEkstraktAvSkiftepro tokoll17111714?feat=directlink#5346504403498777250

I kolonna ”Huor mange Arvinger og hvor deris Boepæl har været hver i Sær forklaret” står det noko som eg ikkje heilt skjønar: Salig ”Gunders Børn er paa Hoestad”. Er Gunder her skrivefeil for Størker? Vidare er det nemnt borna: Berette Størchersd. Skottem(?), Anne Størchersd. gift paa Nordmøer, og Guri Størchersd. ugift. - Ingen Ole eller annan son er nemnt her.

Dersom denne arvinglista er fullstendig, kan Størker Olsen Hostad ikkje vere mogeleg far til Ole Størkersen Reitan.

Denne lista er i ekstraktprotokollen, og eg veit ikkje i kor stor grad eg kan gå ut frå at den er fullstendig, eller om det her kan vere arvingar som "ramlar ut". Her ville det vere fint med litt orientering frå nokon med røynsle frå denne protokollen.
Til Toppen
Vis Medlemmets Profil Send Privat Melding
Skjult navn



Ble registrert: 05 Des 2004 11:20:36
Innlegg: 310
Bosted: LYNGSTAD

InnleggSkrevet: 26 Sep 2012 09:41:04    Tittel: Re: Kven var foreldra til Størker Olsen Hustad (ca. 1720-177 Svar med Sitat

Ei veldig interessant kilde for en periode der skifta for dette distriktet er borte - skifteprotokollen for 1712 - 1717 er borte.

En ekstrakt er et utdrag fra protokollen over de viktigste dataene for de som skulle kontrollere dette:
Navn på avdøde, alle arvingene, hvor de bodde og hvor stor arva var.

Sønnen Gunder Størkersen var altså død og hans barn bodde på Hostad.
Dattera Berit Størkersdtr. bodde på Skotten (her skrevet Schottem) og hun må være gift der.
Dattera Anne Størkersdtr. var gift på Nordmøre, uten at det står hvor hun bodde, dessverre.
Dattera Guri Størkersdtr. var uguft.

Etter som dette var en ekstrakt, skulle alt av nødvendig informasjon være tatt med.

Jeg har liten tro på at Gunder er feilskrevet for Ole.

Jeg tror du bare må leite videre.
Til Toppen
Vis Medlemmets Profil Send Privat Melding
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 27 Sep 2012 12:30:24    Tittel: Re: Kven var foreldra til Størker Olsen Hustad (ca. 1720-177 Svar med Sitat

Takk for grei orientering, Jonny! Størker Olsen Hostad var etter dette berre ein snubletråd.

Etter at du har peikt på kva som står om "Gunders Børn paa Hoestad", er det så opplagt at eg skjønar ikkje korleis eg greidde å lese det så forkjært som eg gjorde. Det er eintydig klårt at "Gunders Børn" er arvingar saman 3 tanter. - Av og til går det visst for fort i svingane.

Så får eg berre leite vidare i håp om å finne eitt eller anna som kan dokumentere foreldra til minst ein i den aktuelle søskenflokken.
Til Toppen
Vis Medlemmets Profil Send Privat Melding
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 27 Sep 2012 13:22:07    Tittel: Re: Kven var foreldra til Størker Olsen Hustad (ca. 1720-177 Svar med Sitat

Bror av den aktuelle Størker, Ole Olsen Reitan, var son av Sigri Olsdotter Reitan. Dette er opplyst i Av- og tilgangslista for juni 1763. Det er opplyst for Farstadreitan matr. nr. 671: "hos Ole Olsøn hans Moder Sigri Ols D." død 19. mai.

http://arkivverket.no/URN:db_read/db/47828/474/

Sigrid vart gravlagt 2. pinsedag (23.05.1763), etter kyrkjeboka 70 år gammal.

http://www.arkivverket.no/URN:kb_read?idx_kildeid=16071&idx_id=16071&u id=ny&idx_side=-125

Det er då eit spørsmål om Sigri også var mor til Størker, og kven ho var gift med (dvs. om det var Ole Størkersen Reitan).
Til Toppen
Vis Medlemmets Profil Send Privat Melding
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 26 Okt 2012 11:21:29    Tittel: Re: Kven var foreldra til Størker Olsen Hustad (ca. 1720-177 Svar med Sitat

Ein interessant Størker Reitan dukkar opp som kreditor på skiftet 10. mai 1686 etter Jon Eriksen Farstad. Det heiter der: "Maret Ols Daatter Tienesteløn udj 1 Koe med Størcher Reytten 1-1-0", og "Brid Reytten i samme Koe 0-2-0".

http://arkivverket.no/URN:sk_read/24611/58/

Slik eg les dette, hadde i alle fall Marit Olsdotter krav på tenesteløn. Men det står ikkje kor mykje. Etter Størker Reitan står det ikkje noko om kva som var grunnlaget for kravet hans. Kan dette lesast slik at begge hadde krav på tenesteløn, og at dei til saman hadde eit krav på 1 rd 1 ort? Synspunkt på dette vert motteke med takk.

Kronologisk ser denne Størker Reitan ut til å kunne høve som far til Ole Størkersen Reitan (som må vere fødd rundt 1688, dersom han var 69 år i 1757).

Eg undrast på kven nemnte Størker og Brit Reitan kan vere, og likeins om det kan vere noko tilknyting mellom Størker og Marit Olsdotter, i og med at dei er skrivne inn i skiftet på denne måten.
Til Toppen
Vis Medlemmets Profil Send Privat Melding
Skjult navn



Ble registrert: 18 Nov 2004 10:47:39
Innlegg: 3800
Bosted: KRISTIANSUND N

InnleggSkrevet: 26 Okt 2012 18:15:30    Tittel: Re: Kven var foreldra til Størker Olsen Hustad (ca. 1720-177 Svar med Sitat

Erling skrev:
Ein interessant Størker Reitan dukkar opp som kreditor på skiftet 10. mai 1686 etter Jon Eriksen Farstad. Det heiter der: "Maret Ols Daatter Tienesteløn udj 1 Koe med Størcher Reytten 1-1-0", og "Brid Reytten i samme Koe 0-2-0".

http://arkivverket.no/URN:sk_read/24611/58/

Slik eg les dette, hadde i alle fall Marit Olsdotter krav på tenesteløn. Men det står ikkje kor mykje. Etter Størker Reitan står det ikkje noko om kva som var grunnlaget for kravet hans. Kan dette lesast slik at begge hadde krav på tenesteløn, og at dei til saman hadde eit krav på 1 rd 1 ort? Synspunkt på dette vert motteke med takk.

Ja, jeg mener at du må lese det akkurat som det står. Smile Marit Olsdtr får utlagt i tjenestelønn 1-1-0 i boet etter Jon Eriksen Farstad. Disse midlene får hun utlagt i ei ku som står hos Størker Reitan. Det er flere som får utlagt midler fra dette boet i denne kua; Kari tjenestetøs og Brit Reitan.
Og det er eneste forbindelsen mellom Marit, Kari og Brit og kua hos Størker Reitan som står nevnt i dette skiftet. Og for å være helt presis. Størker Reitan nevnes ikke som kreditor i skiftet.

Siden det nevnes både en Størker Reitan og ei Brit Reitan i skiftet og arvingene het Størker Eriksen og Brit Eriksdatter, er det grunn til å anta, i alle fall starte en hypotese på det, at de er de samme personene. Det kan være lettere å finne dem da, hvis du har et farsnavn å gå utifra. Smile
Til Toppen
Vis Medlemmets Profil Send Privat Melding
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 27 Okt 2012 21:06:20    Tittel: Re: Kven var foreldra til Størker Olsen Hustad (ca. 1720-177 Svar med Sitat

At preposisjonen "med" - i denne kontekst - må lesast som "hjå/hos", hadde eg aldri greid å syge ut av eige bryst. (Eg las det som "saman med"). For meg var dette ei overraskande løysing. Shocked

Er difor takksam for hjelpa.

Då gjev det meining at det er opplyst berre eitt beløp i kolonnene til høgre for Marit og Størker: Marit skal ha heile summen, og Størker er nemnt berre som opplysning om kvar kua er - kua er "med"(=hjå) Størker.

Også takk for tipset i siste avsnitt, Tore. Det som du peikar på der, kan vere det heitaste sporet no. Er spent på kvar det måtte føre.
Til Toppen
Vis Medlemmets Profil Send Privat Melding
Skjult navn



Ble registrert: 29 Jan 2011 05:33:46
Innlegg: 125
Bosted: MOLDE

InnleggSkrevet: 05 Nov 2012 15:13:35    Tittel: Re: Kven var foreldra til Størker Olsen Hustad (ca. 1720-177 Svar med Sitat

Det har ikkje vore særleg respons på dette tema. Med mindre det seinare skulle kome noko nytt, vil eg med dette setje strek med ei oppsummering av det som eg har kome fram til so langt.

Ole Størkersen Reitan (ca. 1688-1757) var i 1724 sjølveigar til 1 våg og 2 pund i gammalt matr.nr. 672, Farstad, jf eksaminasjonsprotokollen (folio 245b-246a) og matrikkelprotokollen 1724 folio (156b-157a):

http://arkivverket.no/URN:db_read/db/39191/245/
http://arkivverket.no/URN:db_read/db/39192/161/

I utgangspunktet tenkte eg at det kunne finnast eit tinglyst heimelsdokument til han som kanskje kunne gje opplysningar av interesse – i det minste om det var kjøpe- eller arvegods. Eg har bladd i tingbøkene for det aktuelle tidsrom, og i tinglyste dokument (frå 1707 – 1724), utan å finne noko.

Størker Reitan (kan hende Størker Eriksen Reitan??) er nemnt i eit skifte 1686 der han hadde ei ku som det vart teke utlegg i. Han er også nemnt i eit skifte 11. juni 1679 etter Johan Iversen Farstad. På dette skiftet var Størker kreditor. Han fekk utlegg for 1 ort og 14 sk. i ei ku som var ”med Bergitte Tienestetøs”:

http://arkivverket.no/URN:sk_read/24610/67/

Størker Reitan må etter dette ha vore brukar av Farstadreitan i alle fall perioden 1679 – 1686.

Futerekneskapet for åra 1687 til 1691 viser ein Størker som brukar under Farstad. Han var brukar av 1 våg og 2 pund. Denne Størker var truleg den Størker som i ovannemnte skifte har namnet Størker Reitan, og i så fall kan det vere denne gardparten på 1-2-0 som var bruket ”Reitan”. Dette stemmer også med at Ole Størkersen Reitan i 1724 hadde eit bruk med gammal skyld på 1-2-0.

Farstad hadde då ei samla skyld på 24 våg og 1 pund. I åra 1690-1693 låg 6-0-4 øyde, og resten var i bruk med 9 gardpartar som alle hadde ulik skyld. (I åra 1694 og 1696 var 2 nye partar komne i bruk, kvar med ei skyld på 1-1-6, og det var då 4-1-22 som låg øyde.) I denne tida var det berre eitt bruk som hadde ei skyld på 1-2-0.

Matrikkel i futerekneskapet 1687:

http://arkivverket.no/URN:db_read/db/47746/54/

Matrikkel i futerekneskap 1691:

http://arkivverket.no/URN:db_read/db/47747/245/

Frå og med 1692 er ikkje Størker (Reitan) lenger oppført i futerekneskapet (og heller ikkje med ”Enchen”). Frå og med dette året er Ole (Oluf) Einersen ført opp som brukar av dette bruket (Reitan):

http://arkivverket.no/URN:db_read/db/47748/66/

Ole Einersen overtok bruket ved bygselbrev 22. mars 1691 på 1 våg og 2 pund.

http://arkivverket.no/URN:rg_read/28689/25/

Ole Einersen er nemnt under Farstad i 1701, og med alderen 34 år.

http://arkivverket.no/URN:db_read/ft/38458/98/

Ole Einersen kjøpte denne gardparten av Henning Smit ved skøyte datert 13. mai 1712, og tinglyst på vintertinget 26. januar 1713.

http://www.arkivverket.no/URN:tl_read?idx_id=22549&uid=ny&idx_side=-76

Ole Einersen var død før 28. mars 1714 då det vart skifta etter han:

http://picasaweb.google.com/erlendem/RomsdalFogderiEkstraktAvSkiftepro tokoll17111714?feat=directlink#slideshow/5346504403498777250

Han etterlet seg ei dotter, Siri Olsdotter, og kona Ellen Eriksdotter.

Kva no om denne dottera, Siri Olsdotter, er identisk med den ”Sigrid” Olsdotter Reitan som døydde i 1763 (mor til Ole Olsen Reitan)? I og med at ho var einaste barn og dermed einearving etter Ole Einersen, kan Ole Størkersen ha fått hand om garden Reitan ved å gifte seg med henne. Og er i så fall dette forklaringa på at eg ikkje finn noko heimelsdokument til Ole Størkersen?

I skiftet 1759 (nemnt i første innlegg) er arven etter Inger delt likt på brørne med kvar sin ”Broder Lod” og likt mellom søstrene med kvar sin ”Søster Lod”. Dette talar for at dei var heilsøsken, og at dei alle var born av Sigrid (Siri?) Olsdotter og Ole Størkersen Reitan. Men kva er grunnen til at mor deira ikkje var nemnt som arving på skiftet i 1759?
Til Toppen
Vis Medlemmets Profil Send Privat Melding
Vis Innlegg fra:   
Start nytt emne Alle klokkeslett er EET (Europa)
Side 1 av 1
 
Gå til:  
Du kan ikke starte nye emner i dette forumet
Du kan ikke svare på emner i dette forumet
Du kan ikke endre dine egne innlegg i dette forumet
Du kan ikke slette dine egne innlegg i dette forumet
Du kan ikke laste opp filer til dette forumet
Du kan ikke laste ned filer fra dette forumet


Powered by phpBB 2.0.14 © 2001, 2002 phpBB Group